Գործարանի ինքնագիրն են համարվում ընտրովի կարմիր և սպիտակ գինիները: Դրանք պատրաստվում են բացառապես խոշոր և առողջ խաղողի հատիկներից՝ գինուն տալով ճանաչելի համ: Իջևանի գինու, կոնյակի գործարանի հպարտությունն են կաղնե տակառներում հնեցված կոլեկցիոն գինիները: Մեր գործարանն արտադրում է նաև պտղահատապտղային գինիներ, որոնք ճանաչում են ձեռք բերել շնորհիվ իրենց նուրբ համի և հրաշալի բուրմունքի: Այսօր Իջևանի գինիները զարդարում են Ռուսաստանի, ԱՄՆ-ի, Բալթյան երկրների, Եվրոպայի, Ուկրաինայի և Չինաստանի գնորդների սեղաններն ու գինու հավաքածուները: