40-ամյա «Աբգար Արքա»-ն Իջևանի գինու, կոնյակի գործարանի պարծանքն է և Հայաստանի հայտնի կոնյակներից մեկը: Այսպիսի կոնյակն իրենց հավաքածուում ունենալը շատ գնահատողների, կոլեկցիոներների և մատռվակների երազանքն է: Իհարկե, այսպիսի կոնյակն էլ տրվում է համապատասխան յուրօրինակ տուփով: Այն պատրաստված է հին գիրք-տուփի տեսքով` հորթի բնական կաշվից ձեռքով հատուկ պատրաստված կազմով, ոսկյա դրոշմադրվագով շապիկով և կռնակով, թավշակաշվե ներքին հարդարմամբ: Գրքի առաջին էջերը ներկայացնում են Հայկական Միջագետքի պատմությունից համառոտ ուրվագիծ, ինչպես նաև մեծ հայ թագավորի` Աբգար 5-րդի իշխանության ժամանակների քարտեզ` կազմված Հայաստանի պատմության ինստիտուտի կողմից: Հենց նրա` Հայաստանի պատմության մեջ առաջին քրիստոնյա արքայի անվամբ էլ կոչվում է այս կոնյակը: Գրքի վերջին «էջն» ամենացանկալին է` 40-ամյա «Աբգար արքա» կոնյակի շիշը: Շիշն ինքնին պատված է հմուտ հայ նկարիչ-դրոշմահատի ձեռքով արված դրաշմազարդերով: «Աբգար արքա»-ն հատուկ կոնյակ է հատուկ առիթների համար:
