«Իջևան Ընտրովի» կարմիր չոր գինու արտադրության համար ամբողջ խաղողը հավաքվում է ձեռքով, և միայն անվնաս և առողջ խաղողի հատիկներն են օգտագործվում այս գինու պատրաստման ժամանակ: «Իջևան Ընտրովի» կարմիր գինին պատրաստվում է խաղողի Կարմրահյութ, Տիգրանի և Հաղթանակ տեսակներից:
Գինին ունի հագեցած մուգ գույն, բնութագրվում է ներդաշնակ համով` թավշյա տանինային թթվայնությամբ, ունի հատապտուղների վառ արտահայտված հարուստ փունջ, մնայուն, արտահայտիչ համ:
Այն խորհուրդ է տրվում մատուցել 16-18°C ջերմաստիճանում, կարմիր մսից ուտեստների, ինչպես նաև պանրի տեսականու և մրգերի հետ:
Մեկ շիշ «Իջևան Ընտրովի» կարմիր չոր գինին հրաշալի նվեր է գինու՝ նույնիսկ ամենանրբաճաշակ սիրահարների համար:
